Litvanın Nazirlər Kabineti Rusiya Federasiyası ilə ikiqat vergitutmanın aradan qaldırılması və vergidən yayınmanın qarşısının alınması haqqında hökumətlərarası sazişin denonsasiyasını təsdiqləyib. Hökumətin mətbuat xidmətindən verilən məlumata görə, bu barədə qərar Nazirlər Kabinetinin həftəlik iclasında qəbul edilib.
Təşəbbüsü təqdim edən Maliyyə Nazirliyinin mətbuat xidmətinin bəyanatında deyilir ki, “denonsasiya edilmiş saziş Rusiya ilə ticarət-iqtisadi əməkdaşlığı gücləndirmək məqsədi daşıyırdı, Litva hazırda bu əlaqələri gücləndirməkdə maraqlı deyil, çünki onlar milli maraqlara ziddir.
Hökumətin təsdiq etdiyi sənəd yekun təsdiq üçün Seymə (parlamentə) təqdim olunur.
İkiqat vergitutmanın aradan qaldırılması haqqında hökumətlərarası saziş 1999-cu ildə imzalanıb. Onun ləğvi prosesi Litva və Rusiya Xarici İşlər Nazirliklərinin 2023-cü ilin avqust və 2024-cü ilin fevral tarixli notaları ilə başlayıb. Litvanın Xarici İşlər Nazirliyi həmçinin Rusiya Federasiyası və Belarusla ticarət-iqtisadi əməkdaşlıq haqqında ikitərəfli sazişlərin ləğv edilməsini və onların çoxtərəfli sazişlərlə əvəz edilməsini təklif edir. (Tass)