Şiə təşkilatı Hizbullah İsrailin Beyrutun mərkəzindəki Əl-Bosta əl-Fəvqa bölgəsinə endirdiyi hava zərbəsi nəticəsində silahlı qüvvələrinin baş qərargah rəisinin həlak olması ilə bağlı məlumatı təkzib edib.
“Müqavimətə sədaqət” şiə fraksiyasının üzvü Amin Şerri, “İsrail düşməni heç bir Hizbullah üzvünün yaşamadığı bir yaşayış binasına hücum etdi” deyib.
Deputatın sözlərinə görə, İsrail “paytaxtın mərkəzi hissəsində dinc əhaliyə növbəti dəfə hücum edib”. “O [İsrail] Livanın cənubundakı quru əməliyyatının uğursuzluğuna görə mülki şəxslərdən qəzəbini çıxarır”, – Şerri bildirib. (Tass)
