Livan İsraildən öz suverenliyini pozmağı dayandırmağı tələb edir və sərhəd bölgələrində təcavüzkar hərəkətlərinin davam etdirilməsinin təhlükəli nəticələri barədə xəbərdarlıq edir. Bunu Livan parlamentinin sədri Nəbih Berri Beyrutda Avropa İttifaqının xarici işlər və təhlükəsizlik siyasəti üzrə ali nümayəndəsi Cozep Borrell ilə görüşdə deyib.
“Livan sülhə sadiqdir və müharibə istəmir, lakin özünümüdafiə üçün qanuni hüququ var və özünü müdafiə etmək iqtidarındadır”.
Berri yüksək humanistliyi ilə seçilən mövqeyinə görə Borrelə minnətdarlığını bildirib. “Siz İsrailin Qəzza zolağında və Livanın cənubunda bir ilə yaxındır davam edən təcavüzü ilə bağlı həqiqəti deyirsiniz.
Qahirədən Beyruta səfərə gələn Avropa diplomatiyasının rəhbəri Josep Borrell əvvəllər respublikanın baş naziri Nəcib Mikati ilə danışıqlar aparıb. O, Livan ordusunun komandanı Cozef Aun ilə görüşüb və BMT-nin Livandakı Müvəqqəti Qüvvələrinin Rəs əl-Nəqura burnunda yerləşən qərargahına baş çəkib. (Tass)