Livanın baş naziri Nəcib Mikati İsrailin Livanın cənubuna qarşı davam edən və dinc əhalinin yeni qırğınlarına səbəb olan təcavüzünü pisləyib. Bu barədə hökumət başçısının X-də dərc olunmuş bəyanatında deyilir.
“Livan pilotsuz təyyarənin hücumu nəticəsində bir ailədən 7 nəfərin həlak olduğu Nəbatiyyə şəhərinə hücuma görə İsrailə qarşı BMT Təhlükəsizlik Şurasına şikayət edəcək”, – o qeyd edib. Baş nazirin sözlərinə görə, o, respublikanın xarici işlər naziri vəzifəsini icra edən Abdullah Bu Həbibdən “Cənub bölgəsinin bombalanması və atəşə tutulması nəticəsində yaranan böyük dağıntı və tələfat fonunda yəhudi dövlətinə qarşı yeni şikayət ərizəsi yazmağı xahiş edib.
“Bütün maraqlı tərəfləri sərhəddəki vəziyyətin gərginləşməsinə kömək etməyə çağırdığımız bir vaxtda, İsrail düşməni Livana aqressiv hücumu davam etdirir” deyib”.
Fevralın 14-də İsrail Hərbi Hava Qüvvələri və pilotsuz təyyarələri sərhəddən uzaqda yerləşən Cabbur, Cezzine, İqlim ət-Tufah və Nəbatiyə ucqar ərazilərində şiə “Hizbullah” hərbçilərinin bazalarına intensiv zərbələr endirib. Janoubia xəbər portalının məlumatına görə, İsrailin Livanın cənubunda 24 saat ərzində təşkil etdiyi hücumlar zamanı beşi uşaq olmaqla 13 nəfər ölüb, ən azı 11 nəfər yaralanıb. (Tass)