Livan hökuməti ABŞ-a xəbərdarlıq edib ki, İsrailin Livan ərazisinə hər hansı genişmiqyaslı hücumu regional münaqişəyə gətirib çıxaracaq. Bunu “Al Mayadeen” telekanalına istinadən ölkənin xarici işlər naziri vəzifəsini icra edən Abdalla Bu Həbib bildirib.
“Livan Birləşmiş Ştatlardan bütün Yaxın Şərqi bürüyəcək münaqişənin qarşısını almaq üçün davam edən hərbi eskalasiya fonunda İsraili cilovlamağı xahiş edib” deyib.Xarici işlər naziri qeyd edib ki, Birləşmiş Ştatlar Livan hakimiyyətini “şiə milis Hizbullahı cilovlamaq üçün tədbirlər görməyə” çağırıb.
Livanın əvvəllər təyin olunmuş baş naziri Nəcib Mikati bütün Yaxın Şərq cəbhələrində hərbi əməliyyatların dərhal dayandırılmasını tələb edib. O vurğulayıb ki, Livan “bütün zorakılıq hərəkətlərini və mülki şəxslərə qarşı hər hansı hücumu qətiyyətlə pisləyir”. Mikatinin açıqlaması Livan hakimiyyətininiyulun 27-də Colan təpələrindəki Məcdəl Şəms kəndində baş verən, raketin idman meydançasına düşməsi nəticəsində 12 uşaq və yeniyetmənin həlak olduğu hadisəyə ilk reaksiyası olub.
İsrail baş nazirinin ofisinin müşaviri Dmitri Gendelman kəndə raket hücumunda Hizbullahı günahlandırıb. Onun sözlərinə görə, İsrailin cavabı “çox sərt olacaq’. (Tass)