Livanın cənubunda İsrail hərbçilərinin hücumu nəticəsində biri uşaq olmaqla iki mülki şəxs yaralanıb. Bu barədə Livanın Səhiyyə Nazirliyi özünün Facebook səhifəsində məlumat yayıb.
İdarənin məlumatına görə, insident İsrail hərbçilərinin hələ də olduğu Bəni Həyyan kəndində baş verib. Hücuma məruz qalan sakinlərin evlərinə qayıtmağa çalışdığı iddia edilir. Zərərçəkənlərdən birinin vəziyyətinin ağır olduğu qeyd edilir. Hadisənin digər təfərrüatları açıqlanmır. (Tass)