Livandan atılan atəşə görə İsrailin şimalında bir saat ərzində hava hücumu sirenləri üç dəfə səslənib. Bu barədə ordunun mətbuat xidməti məlumat yayıb.
Onun məlumatına görə, ölkənin şimalına ümumilikdə 10-dan çox mərmi atılıb. Xüsusilə, səkkiz mərmi Yuxarı Qaliley istiqamətində atılıb; onlar yaşayış olmayan əraziyə düşblər. Daha üç mərmi İsrailin sərhədyanı Matat kəndi istiqamətində atılıb və onlar da açıq ərazilərə düşüb.
Bundan əlavə, İsrailin nəzarətində olan Qolan Təpələrində yerləşən Druzların Məcdəl Şəms kəndinə hava hücumu xəbərdarlığı elan edilib. Orada həyəcan siqnalının yalan olduğu ortaya çıxdı.
Ordudan bildiriblər ki, hadisələrin heç birində itki ilə bağlı məlumat yoxdur. (Tass)
