İsrail ordusunun ölkənin cənub rayonlarını bombalaması səbəbindən hazırda Livanda 1 milyona yaxın insan didərgin düşüb. Bu barədə Livanın Baş naziri Nəcib Mikati məlumat verib.
“Əl-Qahirə Əl-İxbariya” telekanalının sitat gətirdiyi kimi, Mikati, “Livan indi öz tarixinin ən təhlükəli dövrlərindən birini yaşayır, xüsusən də İsrailin apardığı müharibə səbəbindən təxminən 1 milyon insanın didərgin düşməsindən sonra”.
Baş nazirin sözlərinə görə, ölkə hökuməti “köçkünlərin əsas ehtiyaclarının vaxtında ödənilməsini təmin etmək üçün beynəlxalq təşkilatlarla işləyir”. Mikati əlavə edib ki, vəziyyəti həll etmək üçün Livanın “yalnız diplomatik variantları var”. Eyni zamanda, o, “Livan-İsrail sərhədində vəziyyəti sakitləşdirmək” üçün BMT Təhlükəsizlik Şurasının 1701 saylı qətnaməsinin ciddi şəkildə yerinə yetirilməsinə ehtiyac olduğunu bəyan edib. (Tass)