Livan hökuməti ölkənin cənubundakı vəziyyəti həll etmək və İsrailin hücumlarının qarşısını almaq üçün lazımi diplomatik təmasları həyata keçirir. Bunu Beyrutda Almaniyanın xarici işlər naziri Annalena Baerbok ilə görüşən respublikanın baş naziri Nəcib Mikati mətbuat konfransında deyib.
İsraillə sərhəddə vəziyyətin gərginləşməsini şərh edən baş nazir qeyd edib ki, Livan qarşıdurmadan yayınmağa çalışır. “Biz cənubda sakitliyi bərpa etmək üçün hər cür səy göstəririk,” o vurğulayıb: “Biz həmçinin atəşi dayandırmaq və bütün aqressiv hərəkətləri tərk etmək üçün İsrailə təzyiq etməyə çağırırıq”.
Öz növbəsində, Burbok “vəziyyəti qiymətləndirməkdə səhv hesablamalar təhlükəsi barədə xəbərdarlıq etdi və Livanı Fələstin-İsrail münaqişəsindən mümkün qədər uzaq tutmağı tövsiyə edib”.
Bundan əvvəl Mikati hökumətin “istənilən hadisələrin öhdəsindən gəlmək üçün fövqəladə hallar planı hazırladığını” söyləyib. (Tass)
