Belarus lideri Aleksandr Lukaşenko İran prezidenti Məsud Pezeşkianı respublikaya səfərə dəvət edib.
“Bu yaxınlarda İran xalqı böyük bir bədbəxtlik yaşadı – prezidentiniz öldü, ancaq siz bu dövrü cəsarətlə keçdiniz, siz yeni prezident seçdiniz, bu münasibətlə sizi təbrik edirəm və onu Belarusda gözlədiyimizi söyləməyinizi istəyirəm”. Prezident bunu İranın Ali Milli Təhlükəsizlik Şurasının katibi Əli Əkbər Əhmədian ilə görüşündə deyib. Lukaşenkonun sözlərini BelTA agentliyi sitat gətirir .
Xarici qonaq görüş imkanına görə Lukaşenkoya təşəkkür edib. O xatırladıb ki, son vaxtlar müxtəlif səviyyələrdə bir neçə ikitərəfli görüşlər və danışıqlar aparılıb. O cümlədən, Belarus dövlətinin başçısı 2023-cü ilin martında İrana səfər edib, İran nümayəndə heyətləri də respublikaya səfər ediblər.
Əli Əkbər Əhmədian Lukaşenkonun İranın ali dini lideri Əli Xamneyi ilə görüşünü xüsusi qeyd edib. “İcazə verin, İranın mənəvi liderinin və İranın hazırkı prezidentinin səmimi salamlarını sizə çatdırım”, – o vurğulayıb. (Tass)