Belarus dövlətinin başçısı Aleksandr Lukaşenko Venesuela prezidenti Nikolas Maduronu prezident seçkilərində növbəti qələbəsi münasibətilə təbrik edərək, ilin sonuna qədər görüşü gözlədiyini qeyd edib. Bu barədə Belarus liderinin mətbuat xidməti məlumat yayıb.
“Bununla da ölkənizin sakinləri xalqın öz müqəddəratını müstəqil şəkildə təyin edə biləcəyi müasir və müstəqil dövlət quruculuğu kursunu dəstəklədilər”, – deyə Lukaşenko qeyd edib: “Çox çətin şəraitdə Venesuela hökuməti mütərəqqi iqtisadi dirçəlişə nail olub”. Belarus dövlətinin başçısı vurğulayıb ki, “rəsmi Karakasın qəti mövqeyi bütün beynəlxalq platformalarda aydın eşidilir” və ölkə suverenliyin möhkəmləndirilməsi yolu ilə inamla irəliləyir.
“Minsk bu ölkənin inkişafında fəal iştirak etməyə hazırdır ki, bu, Belarus Respublikasının baş nazirinin Karakasa bu yaxınlarda etdiyi səfər zamanı təsdiqlənib Sizinlə görüşmək və sazişlərimizin icra vəziyyətini əsaslı şəkildə müzakirə etmək imkanına malikik”, – deyə prezident vurğulayıb.
Lukaşenko əmin olduğunu bildirib ki, Maduronun rəhbərliyi altında Venesuela öz suverenliyini möhkəmləndirmək və çoxsaylı sahələrdə səlahiyyətlərini inkişaf etdirmək yolu ilə inamla davam edəcək. (Tass)