Belarus prezidenti Aleksandr Lukaşenko bu ölkə rəhbərliyinin respublikaya səfərinə ümid edir.
“Çox yaxşı ki, siz gəlmisiniz, bu, bizim əməkdaşlığımızda maraqlı və çox faydalı başlanğıc olacaq, mən həqiqətən ümid etmək istərdim ki, sizin səfərinizdən sonra həm prezidentin, həm də nazirlərinizin Belarusa səfəri olacaq ki, biz daha sıx əməkdaşlıq etmək üçün başlaya bilək”, – Lukaşenko Nigeriyanın birinci xanımı Oluremi Tinubu ilə görüşdə deyib.
O, Belarusun Nigeriyaya çox maraqlı olduğunu və bunun faydalı ola biləcəyini vurğulayıb. “Zəhmət olmasa, cənab Bola Tinubuya ən xoş arzularımı çatdırın və onu istənilən vaxt qəbul etməyə hazır olduğumuzu bildirin”, – Belarus lideri bildirib. Prezident nigeriyalı həmkarına ikitərəfli əməkdaşlıq planının hazırlanması məqsədilə Belarusun xarici işlər naziri Maksim Rıjenkovun Nigeriyaya səfərinin təşkili xahişini çatdırmağı xahiş edib.
Dövlət başçısı qeyd edib ki, Belarus tərəfi sənayenin, kənd təsərrüfatının, emal sənayesinin, xüsusilə qida istehsalının inkişafında yardım və dəstək verməyə hazırdır. “Yaxşı ki, sən bizə gəlmisən, Slavyan bazarında (Vitebskdə keçirilən festivalda) olacaqsan, bizim və slavyanların, o cümlədən rusların mədəniyyətini görəcəksən ” , – deyib. (Tass)