Lüksemburqun xarici işlər naziri Jan Asselborn Fələstin-İsrail münaqişəsinin həllinin 20 ildən az vaxt aparacağına ümid etdiyini bildirib. O, bu barədə Aİ Şurasının Lüksemburqda keçirilən nazirlər iclasına gələrkən jurnalistlərə bildirib və onun çıxışı Şuranın mətbuat xidməti tərəfindən yayımlanıb.
“Ümid edirəm ki, Fələstin-İsrail münaqişəsinin iki dövlət əsasında həlli 20 ildən az müddətdə əldə olunacaq”. Asselborn həmçinin qeyd edib ki, Aİ İsrail və Fələstin arasındakı fikir ayrılıqlarını iki dövlət prinsipi əsasında həll etmək üçün “kifayət qədər iş görməyib”. “Fələstinin öz dövləti olsa belə, İsrail sülh şəraitində yaşaya bilər. Bu, mənə aydın görünür”, – Lüksemburq Xarici İşlər Nazirliyinin rəhbəri əlavə edib. (Tass)