Xarici İşlər, Afrika Əməkdaşlıq və Xaricdə Yaşayan Mərakeşlilər naziri Nasser Bourita ilə Suriya keçid hökumətinin xarici işlər naziri Əsəd Həsən əl-Şibani arasında telefon danışığı olub.
Bourita Mərakeşin “Suriya xalqına, eləcə də Suriyanın suverenliyi və ərazisinin bütövlüyünə dəstəyini” təkrarlayıb. Telquel informasiya portalı xəbər verir ki, o, “iki ölkənin ümumi əlaqələri paylaşdığını” vurğulayıb.
Nazirlər “iki xalqın ümumi maraqları naminə ölkələr arasında diplomatik münasibətləri gücləndirməyə” razılaşıblar.
Bourita ilə əl-Şibani arasındakı söhbət prezident Bəşər Əsədin devrilməsindən sonra iki ölkənin xarici işlər nazirliklərinin rəhbərləri arasında ilk təmas olub. (Tass)