Macarıstan faşist Almaniyasının tərəfində olduğu üçün Moskvada Böyük Vətən Müharibəsində Qələbənin 80-ci ildönümünün qeyd edilməsində rəsmi şəkildə təmsil olunmayacaq. Bu barədə Macarıstanın baş nazirinin aparatının rəhbəri Qergeli Qulyas jurnalistlərlə görüşündə məlumat verib.
Mayın 9-da Rusiya paytaxtında keçiriləcək paradda Macarıstan hökumətinin nümayəndələrinin hər hansı iştirakının mümkün olub-olmaması ilə bağlı suala cavab olaraq o qeyd edib ki, “bu, mütləq baş verməyəcək”. Onun sözlərinə görə, “Qərbi Avropa ölkələrinin Rusiya ilə yaxşı münasibətləri olsa belə, Macarıstanın bu bayramlarda iştirakının mənası olmazdı, çünki II Dünya Müharibəsinin sonu onun üçün ağır məğlubiyyət idi”.
Bundan əvvəl Gülyas Macarıstanın baş naziri Viktor Orbanın Moskvada keçiriləcək Qələbə günü tədbirlərində iştirakını istisna etdiyini bildirib. O, izah edib ki, “Macar xalqı üçün İkinci Dünya Müharibəsinin başa çatması müharibədə iştirak edən digər ölkələrlə müqayisədə fərqli məna kəsb edirdi”. (Tass)