Macarıstan hökuməti Donald Trampın 2025-ci ildə ABŞ-da keçiriləcək prezident seçkilərində qələbəsinin Ukraynadakı münaqişəni həll edəcəyini və Avropaya sülh gətirəcəyini gözləyir. Bunu jurnalistlər üçün keçirdiyi brifinqdə Macarıstanın baş nazirinin aparatının rəhbəri Qergeli Qulyas deyib.
Onun sözlərinə görə, seçki kampaniyası zamanı Tramp dəfələrlə “sülhdən danışmaq lazımdır” deyib. “Gələn il Avropada sülhün əldə olunmasını real olaraq gözləyə bilərik və bu, özlüyündə Avropaya və xüsusən də Macarıstana daha çox pulu iqtisadi inkişafa, daha yüksək maaşlara, mənzillərə və ailələrin saxlanmasına yönəltməyə imkan verəcək” deyib.
O, həmçinin respublikaçı liderin Ağ Evə gözlənilən qayıdışının demokrat Co Baydenin administrasiyası dövründə xeyli pisləşən Macarıstan və ABŞ arasında münasibətləri normallaşdıracağına əminliyini ifadə edib. Macarıstan “Donald Tramp vəzifəyə gəldikdən sonra Birləşmiş Ştatlarla görünməmiş dərəcədə güclü ittifaqa ümid edir” deyib baş nazirin ofisinin rəhbəri. (Tass)
