Fransa prezidenti Emmanuel Makron Aİ tərəfdaşlarından Donald Trampın ABŞ prezident seçkilərində qələbəsi fonunda hərəkətləri əlaqələndirməyə razılıq vermələrini tələb edib. Bu barədə Fransa hökumətinin rəsmi nümayəndəsi Mod Brejon məlumat verib.
“Biz Trampın qələbəsindən sonra Avropa İttifaqı ölkələrinə “hər kəs özü üçün” prinsipinə boyun əyməyə icazə verə bilmərik”, – deyə Brejon Fransa liderinin Nazirlər Kabinetinin iclasında “ABŞ ilə münasibətlərdə koordinasiyalı Avropa strategiyasına ehtiyacımız var” ifadəsini sitat gətirib. (Tass)