Avropanın gələcəyi onun Çinlə balanslaşdırılmış münasibətləri inkişaf etdirmək qabiliyyətindən asılı olacaq. Bunu Fransa prezidenti Emmanuel Makron Yelisey sarayında Çin prezidenti Si Tsinpin və Avropa Komissiyasının rəhbəri Ursula fon der Leyenlə üçtərəfli danışıqlara başlamazdan əvvəl deyib.
“Beynəlxalq vəziyyət, şübhəsiz ki, bizi Avropa-Çin dialoqunu heç vaxt olmadığı qədər inkişaf etdirməyə məcbur edir”, – Makron bildirib. O, xüsusilə “bölünmə məntiqinin zərərli ola biləcəyi” iqtisadiyyatda “struktur çətinlikləri qarşılamağa və aradan qaldırmağa” çağırıb. “Biz bu səhər dostluq və etimad mühitində həm razılaşdığımız məqamları sizinlə bölüşmək istərdik, çünki qitəmizin gələcəyi, şübhəsiz ki, bizim bacarıqlarımızdan asılı olacaq. Çinlə balanslaşdırılmış əlaqələri inkişaf etdirməyə davam edirik, bu, bizim istədiyimizdir”.
Dövlət başçısı aydınlaşdırıb ki, danışıqların birinci hissəsi Aİ ilə Çin arasında münasibətlərə həsr olunacaq, bu hissədə ticarət, bazara çıxış, ədalətli rəqabət, investisiya və ahəngdar inkişaf məsələləri müzakirə olunacaq. Danışıqların ikinci yarısı Ukrayna və Yaxın Şərqdəki vəziyyətə həsr olunacaq. “Bunlar, aramızda koordinasiyanın mütləq zəruri olduğu iki böyük böhrandır” deyib Makron. (Tass)
