Qazaxıstan Transxəzər beynəlxalq nəqliyyat marşrutunun inkişafında fransız şirkətlərinin iştirakına arxalana bilər. Bunu Fransa prezidenti Emmanuel Makron qazaxıstanlı həmkarı Kasım-Jomart Tokayevlə görüşündən sonra deyib.
Astanada rəsmi səfərdə olan Makron deyib: “Qazaxıstan Asiya ilə Aralıq dənizi arasında yeni logistika dəhlizinin yaradılması layihəsində fransız müəssisələrinin fəal iştirakına arxalana bilər”.
O, həmçinin Paris və Astana arasında strateji tərəfdaşlığın inkişaf tempini sürətləndirməli olduğu fikrini bildirib.
“Əməkdaşlığımız üçün yaxşı əsaslar qoyulub, lakin onu əlavə etmək və sürətləndirmək lazımdır”, – Fransa Prezidenti qeyd edib. (Tass)
