Fransa və Vyetnam arasında ümumi dəyəri 9 milyard avro olan müqavilələr imzalanıb. Bunu jurnalistlərə sosialist respublikasında dövlət səfərində olan Fransa prezidenti Emmanuel Makron deyib.
Çıxışı Yelisey sarayının X səhifəsində yayımlanan Makron, “Səfər zamanı 9 milyard avro dəyərində müqavilələr imzalandı” deyib.
Prezidentin sözlərinə görə, müqavilələr “demək olar ki, bütün əsas sektorlarda, o cümlədən aviasiya və dəmir yolu sahəsində” bağlanıb. “Bağlanmış sazişlər iki ölkə arasında müdafiə, aviasiya və energetika sahələrində güclü əlaqələri vurğulayır”, – o qeyd edib.
Fransa Vyetnamın beşinci ən böyük Avropa ticarət tərəfdaşıdır. 2024-cü ildə ticarət dövriyyəsi 2023-cü illə müqayisədə 12,9% artaraq 5,42 milyard dollara çatıb. Fransa ümumi nizamnamə kapitalı 3,95 milyard dollar olan 700 aktiv investisiya layihəsi ilə Vyetnama investisiya yatıran 147 ölkə və ərazi arasında 16-cı yerdədir.
Eyni zamanda, Fransa rəsmi inkişaf yardımı baxımından Vyetnama aparıcı Avropa donorudur. Paris İnfrastrukturun inkişafı, kənd təsərrüfatı, yaşıl sənaye, maliyyə və texnologiya transferi sahəsində layihələrə diqqət yetirərək Hanoy şəhərinə 16,7 milyard avro güzəştli kredit verib.