Fransa prezidenti Emmanuel Makron dekabrın 7-də Notr-Dam kilsəsinin açılış mərasimindən əvvəl ABŞ-ın yeni seçilmiş prezidenti Donald Tramp və Vladimir Zelenskini Yelisey sarayında qəbul edəcək. Bu barədə Fransa liderinin administrasiyasında məlumat verilib.
Qeyd olunur ki, söhbət ardıcıl iki təkbətək görüşdən gedir. Yelisey Sarayı Tramp və Zelenski arasında üçlü görüşün və ya ayrıca söhbətin də planlaşdırıldığını dəqiqləşdirməyib.
Bundan əvvəl “Frans Press” agentliyi ukraynalı diplomatlara istinadən ABŞ-ın seçilmiş prezidenti ilə Zelenski arasında belə bir görüşün “mümkün” olduğunu bildirmişdi. Eyni mənbələr agentliyə Zelenskinin dekabrın 7-də Parisə gəlməsi faktını təsdiqləyiblər. (Tass)