Fransa prezidenti Emmanuel Makron və respublikanın baş naziri Qabriel Attal üç saatlıq müzakirədən sonra hökumətin tərkibinin artırılması ilə bağlı razılığa gələ bilməyiblər. Bu barədə BFMTV telekanalı mənbəyə istinadən məlumat yayıb.
Əvvəlcə hökumətin genişləndirilmiş tərkibinin yerli vaxtla saat 17:00-da (Bakı vaxtı ilə 20:00) açıqlanacağı gözlənilirdi. “Balansı əldə etmək lazımdır. İşlər başa çatmayıb, daha bir neçə saat çəkəcək”, – mənbə gecikməni şərh edib.
O izah edib ki, Nazirlər Kabinetində gender paritetini, eləcə də siyasi müttəfiqlərin maraqlarını təmin etmək lazımdır.
Dəyişikliklər Milli Təhsil, Gənclər, İdman, Olimpiya və Paralimpiya Oyunlarına aid ola bilər. Bu gün səhər saatlarında Fransa Milli Assambleyası (parlamentin aşağı palatası) dövlət məktəblərini tənqid etdiyinə görə, departament rəhbəri Ameli Oudea-Kasterin istefasını yenidən tələb edib. Hökumətə yaxın çevrələrdə onun təhsil naziri portfelini itirəcəyi istisna edilmir. Bu vəzifəyə Fransa siyasətinin veteranı, ötən il Milli Yenidənqurma Şurasının rəhbəri təyin edilmiş mərkəzçi Demokratik Hərəkat partiyasının qurucusu Fransua Bayru təyin oluna bilər. (Tass)