Fransa prezidenti Emmanuel Makron və Böyük Britaniyanın baş naziri Keir Starmer Ukrayna ilə bağlı istəklilər koalisiyasında iştirak edən ölkələrin videokonfransı keçirəcəklər. Bu barədə Yelisey Sarayına istinadən TF1 telekanalı məlumat yayıb.
Danışıqların yerli vaxtla saat 12:15-də (Bakı vaxtı ilə 14:15) başlayacağı dəqiqləşib. Onlar avropalıların Ağ Evdə ABŞ prezidenti Donald Tramp və Vladimir Zelenski ilə görüşünün nəticələri barədə digər koalisiya üzvlərini məlumatlandıracaq, həmçinin hərbi əməliyyatlar başa çatdıqdan sonra Qərb müttəfiqlərinin Kiyevə verməyi planlaşdırdıqları təhlükəsizlik təminatlarını müzakirə edəcəklər.
Daha əvvəl TF1-ə müsahibəsində Makron koalisiya daxilində müzakirələrdən sonra ABŞ-ın təmin edə biləcəyi təhlükəsizlik zəmanətləri ilə bağlı daha konkret cavablar alacağını gözlədiyini bildirib. Eyni zamanda Tramp ABŞ-ın Ukraynanın gələcək təhlükəsizliyinin təmin edilməsində iştirak edəcəyini bildirib. (Tass)