Beynəlxalq Atom Enerjisi Agentliyinin (MAQATE) baş direktoru Rafael Qrossi martın əvvəlində Rusiyaya rəsmi səfər etməyi planlaşdırır. Bu barədə TASS-a qurumun mətbuat xidmətindən məlumat verilib.
“Biz təsdiq edə bilərik ki, baş direktor Qrossi martın əvvəlində Rusiyaya yüksək səviyyəli səfər planlaşdırır”, – MAQATE qeyd edib.
Bundan əvvəl Rosatom rəhbəri Aleksey Lixaçev Qrossinin martın 6-da Rusiyaya səfər edəcəyinə ümid etdiyini bildirib. Əvvəlcə MAQATE rəhbərinin Moskvaya səfəri fevralın ortalarına, yəni Kiyevə və Zaporojye AES-ə səfərindən sonra planlaşdırılsa da, dəfələrlə təxirə salınıb. Qrossi bildirib ki, Rusiyaya səfəri zamanı o, Zaporojye AES ətrafında vəziyyətin inkişaf perspektivlərini yüksək səviyyədə müzakirə etmək niyyətindədir. (Tass)
