Beynəlxalq Atom Enerjisi Agentliyi (MAQATE) Macarıstanda Paks II atom elektrik stansiyası layihəsinin həyata keçirilməsinə dəstəyini davam etdirir. Bunu qurumun rəhbəri Rafael Qrossi deyib.
“MAQATE-nin Baş Konfransı çərçivəsində mən Macarıstanın xarici işlər naziri Peter Szijyarto ilə qlobal nüvə təhlükəsizliyini və Paks II-yə davamlı dəstəyimizi müzakirə etdim” deyə Qrossi X səhifəsində (keçmiş Twitter) yazıb.
1980-ci illərdə sovet mütəxəssisləri tərəfindən tikilən və Rusiya nüvə yanacağı ilə işləyən Paks atom elektrik stansiyası Macarıstanın istehsal etdiyi ümumi elektrik enerjisinin yarısını və istehlakının üçdə birini təmin edir. Hazırda Budapeştdən 100 km cənubda Dunay çayının sahilində yerləşən stansiyada VVER-440 reaktorları olan dörd enerji bloku var. Onların yanında VVER-1200 reaktorlu beşinci və altıncı enerji blokları tikilməlidir. Moskva 12,5 milyard avro dəyərində qiymətləndirilən və əvvəldən 80%-i Rusiya krediti hesabına həyata keçirilməli olan Paks 2 layihəsini maliyyələşdirməyə hazır olduğunu təsdiqləyib. İki yeni nüvə reaktorunun istifadəyə verilməsindən sonra stansiyanın gücü 2000 meqavatdan 4400 meqavata qədər artacaq. (Tass)