MDB ölkələri dünyada vəziyyətin pisləşməsi ilə əlaqədar 2030-cu ilə qədər hərbi sahədə əməkdaşlıq konsepsiyasının layihəsini hazırlamağa başlayıblar. Bunu Birliyin baş katibi Sergey Lebedev Moskvada təşkilata üzv dövlətlərin təhlükəsizlik şuraları katiblərinin görüşündə deyib.
“Biz bütün dünya nizamının transformasiyasının çətin dövrlərini yaşayırıq, yeni silahlı münaqişələr yaranıb, köhnə münaqişələr yenidən başlayıb, bloklar və dövlətlərarası qarşıdurmalar son dərəcə kəskinləşib Aydındır ki, hazırkı vəziyyətdə mühüm sabitləşdirici amil hərbi təhlükəsizlik sahəsində əməkdaşlığın artırılmasıdır” deyib.
