Müstəqil Dövlətlər Birliyinin (MDB) Müdafiə Nazirləri Şurasının (MNŞ) Minskdə keçirilən iclasının iştirakçıları MDB-yə üzv dövlətlər arasında 2030-cu ilə qədər hərbi əməkdaşlığın inkişafına dair konseptual yanaşmaları təsdiqləyiblər. Bu barədə Birlik İcraiyyə Komitəsinin mətbuat xidməti məlumat yayıb.
“Şura üzvləri MDB-yə üzv dövlətlər arasında 2030-cu ilə qədər hərbi əməkdaşlığın inkişafına dair konseptual yanaşmaları və 2025-ci ildə birgə tədbirlərin keçirilməsi planını təsdiqləyiblər”, – deyə məlumatda bildirilir.
“İclas iştirakçıları ordu generalı S.M.Ştemenko adına Krasnodar Ali Hərbi Məktəbinə silahlı qüvvələrin informasiya təhlükəsizliyi sahəsində tədris və elmi fəaliyyətin həyata keçirilməsi üçün baza təşkilatı statusunun verilməsi təklifini dəstəkləyiblər”, – MDB İcraiyyə Komitəsi bildirib. (Tass)