MDB Xarici İşlər Nazirləri Şurasının (XİNŞ) növbəti iclasının gələn il aprelin 11-də Qazaxıstanda keçirilməsi planlaşdırılır. Bu barədə TASS-a Birlik İcraiyyə Komitəsinin mətbuat xidmətindən məlumat verilib.
“Xarici İşlər Nazirləri Şurasının növbəti iclasının 2025-ci il aprelin 11-də Qazaxıstanda keçirilməsi ilə bağlı qərar qəbul edilib”, – deyə mətbuat xidməti məlumat yayıb.
MDB Xarici İşlər Nazirləri Şurası 1993-cü il sentyabrın 24-də xarici siyasət fəaliyyətini əlaqələndirmək, MDB ölkələrinin xarici siyasət və humanitar fəaliyyətlərində qarşılıqlı maraq doğuran məsələlər üzrə əməkdaşlığı təmin etmək məqsədi ilə yaradılıb. (Tass)