MDB ölkələrinin Xarici İşlər Nazirliklərinin rəhbərləri beynəlxalq münasibətlərdə birtərəfli məhdudlaşdırıcı tədbirlərin tətbiqinin yolverilməzliyi haqqında birgə bəyanat qəbul edərək, ölkələrə onları qəbul etmək, yaymaq və tətbiq etməkdən çəkinməyi tövsiyə ediblər. Bu barədə TASS-a Birlik İcraiyyə Komitəsinin mətbuat xidmətindən məlumat verilib.
“Bəyanatda bildirilir ki, hər hansı bir dövlət tərəfindən birtərəfli məhdudlaşdırıcı tədbirlərin qəbul edilməsi Birləşmiş Millətlər Təşkilatının Nizamnaməsinə ziddir və dövlətlər sosial-iqtisadi inkişafa mane olan birtərəfli məhdudlaşdırıcı tədbirləri qəbul etməkdən, yaymaqdan və tətbiq etməkdən çəkinməyə təşviq edilir”, – mətbuat xidmətinin bəyanatında deyilir. (Tass)