Amerika administrasiyası Colan təpələrindəki Məcdəl Şəms kəndinin atəşə tutulmasının İsraillə Hizbullahın şiə birləşmələri arasında genişmiqyaslı müharibəyə səbəb olacağından ciddi şəkildə ehtiyat edir. Bu barədə Axios portalı amerikalı rəsmilərə istinadən məlumat yayıb.
Nəşrin həmsöhbətlərindən biri “Bu gün baş verənlər narahat olduğumuz və 10 aydır ki, qaçmağa çalışdığımız bir şeyin tətikçisi ola bilər” deyib.
Rəsmilər həmçinin Qəzza zolağında atəşkəsin olmamasının İsrailin Livanda Hizbullahla müharibəyə başlama ehtimalını artırmasından və bunun regional böhranı daha da pisləşdirəcəyindən və Vaşinqtonu münaqişənin dərinliyinə sürükləməsindən narahat olduqlarını bildiriblər. (Tass)