Bazar ertəsi, iyunun 24-də Avropa İttifaqının xarici işlər nazirləri xarici agentlər haqqında qanunun qəbulu ilə əlaqədar Gürcüstana qarşı mümkün məhdudiyyətləri müzakirə edəcəklər. Bu barədə Euractiv portalı ona daxil olan sənəd layihəsinə istinadən xəbər verir .
Orada bildirilir ki, təcili cavab olaraq Aİ Aİ-Gürcüstan Assosiasiya Sazişi çərçivəsində yüksək səviyyəli ikitərəfli səfərləri, görüşləri və tədbirləri dayandıra, həmçinin müzakirələri, danışıqları və ikitərəfli sazişlərin imzalanmasını dondura bilər.
Bundan əlavə, Aİ ölkələri ölkə rəhbərliyinin nümayəndələrinə məhdudiyyətlərin tətbiqi, “Gürcüstan hakimiyyətinə xeyir verən” layihələrin maliyyələşdirilməsinin dayandırılması və “vətəndaş cəmiyyətinin və müstəqil medianın inkişafı üçün də daxil olmaqla, Aİ-nin hər hansı maliyyə yardımının müzakirəsi” imkanlarını nəzərdən keçirir. .” (Tass)
