Avropa ölkələri Fələstinin HƏMAS hərəkatına və İsrailə təzyiq göstərməyə çalışır ki, onlar Qəzza zolağındakı vəziyyəti həll etmək üçün razılığa gəlsinlər. Bu barədə Misirin “Əl-Qahirə əl-İxbariyyə” telekanalına Avropa İttifaqının (Aİ) nümayəndəsi bildirib .
“Aİ diplomatik kanallar vasitəsilə hərəkət edir və Amerikanın Qəzzada atəşkəslə bağlı təklifini qəbul etməsi üçün Həmas və İsrail tərəfinə təzyiq göstərməyə çalışır.
Aİ nümayəndəsi əlavə edib ki, Avropa ölkələri “aralarındakı fikir ayrılıqlarına baxmayaraq, BMT Təhlükəsizlik Şurasında Fələstin anklavında atəşkəs üçün səs veriblər”. Onun fikrincə, dünyanın bir çox yerlərində münaqişələr “Təhlükəsizlik Şurasının qəbul etdiyi qərarların icra mexanizminin olmaması səbəbindən kulminasiya nöqtəsinə çatıb”. (Tass)