Buenos-Ayresdə Argentina Konqresinin binası qarşısında keçirilən etiraz aksiyasının dağıdılması nəticəsində 20-yə yaxın adam yaralanıb. Bu barədə C5N telekanalı məlumat yayıb.
Zərərçəkənlərin əksəriyyəti rezin güllələrdən və gözyaşardıcı qazdan aldıqları xəsarətlər səbəbindən həkimə müraciət ediblər. Etiraz günü meydanda işləyən könüllü xilasedicilər, xüsusən, boynuna rezin güllə dəymiş qızın onlarla əlaqə saxladığını bildiriblər. Qurbanlar arasında 10 yaşlı qız da var.
C5N-in məlumatına görə, azı üç nəfər saxlanılıb. Argentinanın təhlükəsizlik naziri Patrisiya Bullriç qarşıdurmaların səbəbini etirazçıların üzərinə atıb. “Son yürüşlərdə polisə qarşı istifadə edəcəkləri daş və çubuqlarla gələn bir qrup fəal var idi, indi deyirlər ki, polis uşağa qarşı qazdan istifadə edib”, – o, X sosial şəbəkəsində yazıb.
Sentyabrın 11-də keçirilən etiraz aksiyasında bir neçə min insan iştirak edib. Nümayişçilər təqaüdlərin artırılması üçün hesablamaların dəyişdirilməsini nəzərdə tutan qanun layihəsinə prezidentin veto qoymasına qarşı çıxıblar. Repressiya başlamazdan əvvəl aksiya sakit şəkildə davam edib. (Tass)