Bir neçə Avropa ölkəsi koronavirus pandemiyası səbəbindən müvəqqəti olaraq bağlanmış Pxenyandakı səfirliklərini yenidən açmağa hazırlaşır. Kyodo agentliyi bir neçə nümayəndə heyətinin KXDR-ə səfərləri barədə xəbərlər fonunda buna diqqət çəkib.
Xüsusilə, Çinin Pxenyandakı səfirliyinin saytında fevralın 28-də diplomatik missiyanın rəhbəri ilə İsveçin təyin olunmuş səfiri arasında görüş keçirildiyi bildirilir. Diplomatlar, qeyd edildiyi kimi, Koreya yarımadasındakı vəziyyəti müzakirə ediblər. Fevralın 26-da səfirliyin nümayəndəsi Almaniya Xarici İşlər Nazirliyinin yüksək vəzifəli nümayəndələri ilə görüşüb.
Yonhap agentliyinin məlumatına görə , Böyük Britaniya və İsveçrə, eləcə də bir sıra digər Avropa ölkələri də öz səfirliklərinin fəaliyyətini bərpa etmək istəyirlər.
Qeyd edək ki, koronavirus pandemiyası zamanı Pxenyandakı bir çox səfirliklər bağlanıb. (Tass)
