ABŞ Senatındakı demokratlar ölkədəki sorğuların Respublikaçılar Partiyasından prezidentliyə namizəd Donald Trampa seçici dəstəyini süni şəkildə azalda biləcəyindən ehtiyat edirlər. Bu barədə The Hill qəzeti məlumat yayıb.
Nəşr qeyd edib ki, demokrat senatorlar “sorğuçuların Trampın prezident seçkilərində ala biləcəyi səslərin sayını yenidən azaltmasından narahatdırlar”. “Hillari Klintonun 2016-cı ildə məyusedici məğlubiyyətinin şokundan və keçmiş prezident Trampın 2020-ci ildə gözləniləndən daha güclü çıxışından sonra demokrat qanunvericilər Seçki Gecəsində daha bir sürprizə hazırlaşırlar”, – nəşr yazır.
Qəzet qeyd edib ki, “Demokratik qanunvericilər, Miçiqan, Pensilvaniya və Viskonsin ştatlarında sorğular [prezidentliyə namizəd] Kamala Harrisin kiçik, lakin ardıcıl liderliyə malik olduğunu göstərdiyinə görə, partiyalarının növbəti dəfə yalançı nikbinliyə ilham verə biləcəyindən qorxurlar”. Onlar prezident seçkilərinin nəticəsi baxımından ən önəmlilərdəndir. (Tass)
