Türkiyə prezidenti Rəcəb Tayyib Ərdoğan 8 ildən sonra ilk dəfə müxalifət lideri Özgür Özellə görüşüb. NTV telekanalı xəbər verir ki, iclasın gündəliyindəki əsas məsələlər 1980-ci ildə hərbi çevrilişdən sonra qəbul edilmiş hazırkı konstitusiyanı əvəz edəcək yeni konstitusiya, Qəzza zolağında nizamlanma və iqtisadi vəziyyətin müzakirəsidir .
Özəl martın 31-də keçirilən yerli seçkilərdə qalib gələn Türkiyənin ana müxalifəti Cümhuriyyət Xalq Partiyasına (CHP) rəhbərlik edir. Ərdoğan hakim Ədalət və İnkişaf Partiyasının (AKP) daimi lideridir.