Türkiyə prezidentinin xarici siyasət və təhlükəsizlik üzrə baş müşaviri Akif Çağatay Kılıç ABŞ-ın milli təhlükəsizlik üzrə köməkçisi Ceyk Sullivan ilə telefonla Türkiyə-Amerika münasibətləri, “İsrailin Qəzza zolağında davam edən hücumları”, Ukraynadakı vəziyyəti və regional məsələləri müzakirə edib. Bu barədə Anadolu Agentliyi məlumat yayıb.
Bundan əlavə, Kılıç və Sullivan terrorizmlə mübarizədə, xüsusilə Kürdüstan Fəhlə Partiyası, FETÖ təşkilatı və Türkiyədə qadağan olunmuş “İslam Dövləti” terror qruplaşması ilə əməkdaşlıq barədə fikir mübadiləsi aparıblar. (Tass)