Helsinki Rayon Məhkəməsi Ukraynada ağırlaşdırılmış hərbi cinayət törətməkdə şübhəli bilinən Rusiya vətəndaşı Vojislav Tordenin həbsinə qərar verib. Bu barədə Helsingin Sanomat qəzeti məlumat yayıb.
Torden Vantaa həbsxanasına göndəriləcək. Ona qarşı ittihamlar 2024-cü il mayın 31-dən gec olmayaraq prokurorluq tərəfindən qaldırılmalıdır.
Bundan əvvəl Finlandiya Mərkəzi Kriminal Polisi Tordenin Ukraynada hərbi cinayətlər törətməkdə şübhəli bilinərək həbs edilməsini tələb etmişdi. Həbs qərarına əsasən, iddia edilən cinayətlər 2014-2015-ci illərdə törədilib.
Dekabrın 8-də Finlandiyanın Ali Məhkəməsi 36 yaşlı Tordenin Ukraynaya ekstradisiyasından imtina edərək, onun dərhal azadlığa buraxılması barədə qərar qəbul edib. Sərbəst buraxıldıqdan dərhal sonra Torden Finlandiya sərhədçiləri tərəfindən saxlanılıb. (Tass)
