Finlandiya prezidenti Aleksandr Stubb Ukrayna ilə hərbi dəstək haqqında müqavilə imzalamağa hazırlaşır. Bu barədə “İltalehti” qəzeti mənbələrə istinadən məlumat yayıb .
Onun sözlərinə görə, bu sazişin Stubbın Ukraynaya səfəri zamanı Kiyevdə imzalanacağı gözlənilir. Səfərin tarixi dəqiqləşdirilməyib.
Qəzetin yazdığına görə, sazişə əsasən Finlandiya Ukraynanı “uzun illər” silahla təmin etməyi və Ukrayna donanmasını təchiz etməyi, bu hadisənin vaxtını təyin etmədən Ukraynanın NATO-ya üzvlüyünü dəstəkləməyi və bir sıra digər bəndləri yerinə yetirməyi öhdəsinə götürəcək. Finlandiya şirkətləri, əgər sənəd imzalansa, Kiyevə öz müdafiə sənayesini qurmaqda kömək etməli olacaqlar.
(Tass)