Livanın Hizbullah şiə hərəkatının kəşfiyyat rəhbəri Hüseyn Həzimə oktyabrın 3-də İsrail Müdafiə Qüvvələrinin (IDF) vurduğu Beyrutun cənub ətraflarında bunkerdə ola bilər. Bu barədə İsrailin “Walla” xəbər portalı İsrail rəsmilərinə istinadən məlumat yayıb.
Daha əvvəl İDF sözçüsü İsrail Hərbi Hava Qüvvələrinin qırıcılarının Beyrutda Hizbullahın kəşfiyyat qərargahının obyektlərinə hücum etdiyini bildirib. Zərbələr “komanda mərkəzləri”, “kəşfiyyat toplama obyektləri”, eləcə də hərəkatın kəşfiyyat bölməsinə aid yaraqlıları hədəf alıb. Bildirilib ki, 2000-ci ildən Hizbullahın rabitə şəbəkələri şöbəsinə rəhbərlik edən Məhəmməd Rəşid Səqafi öldürülüb. (Tass)