Qəzza zolağının sakinləri üçün humanitar yardım daşıyan 20 yük maşını Misir ərazisindən Fələstin anklavına daxil olan Rəfah keçid məntəqəsinə daxil olub. Bu barədə “Əl-Qahirə əl-İxbariyyə” telekanalı məlumat yayıb.
Onun sözlərinə görə, quru keçidində humanitar yük daşıyan daha 135 maşın var və onlar yaxın vaxtlarda sərhədi keçməyə hazırdır. Səhər saatlarında İsrail ordusunun hücumları nəticəsində zolaqda yaralanan 11 nəfər təcili yardım maşını ilə Qəzzadan Misir ərazisinə aparılıb. (Tass)
