İordaniyanın baş nazirinin müavini və xarici işlər naziri Ayman əs-Səfədi İrana xəbərdarlıq edib ki, krallıq HƏMAS-ın siyasi bürosunun rəhbəri İsmayıl Haniyənin Tehranda öldürülməsinə cavab olaraq öz hava məkanından İsrailə zərbələr endirmək üçün istifadə etməyə icazə verməyəcək. Bu barədə İordaniya Xarici İşlər Nazirliyindəki mənbəyə istinadən Sky News Arabia telekanalı məlumat yayıb . Onun sözlərinə görə, İordaniya ABŞ və İsrailə də analoji xəbərdarlıq göndərib.
“Krallığın xarici işlər naziri ABŞ, İsrail və İrandan [zərbə mübadiləsi halında] İordaniya hava məkanından uzaq durmağı tələb edib”, – telekanal mənbədən sitat gətirir.
Əl-Səfadi avqustun 4-də Tehrana səfər edib və bu səfər zamanı Kral II Abdullahın bölgədəki vəziyyət və ikitərəfli münasibətlərlə bağlı İslam Respublikasının prezidenti Məsud Pezeşkiana mesajını çatdırıb. (Tass)