İranın İraqın şimalındakı İraq Kürdüstanının inzibati mərkəzi olan Ərbilə son zərbəsi iki ölkə sərhədində təhlükəsizliyin təmin edilməsinə dair razılaşmanın pozulmasına səbəb ola bilər. Bu barədə İraqın “Əs-Sumariya” telekanalı yüksək vəzifəli məmura istinadən məlumat yayıb.
Kanalın adını açıqlamayan həmsöhbəti “İranın İraqın şimalındakı Ərbildəki mülki hədəflərə hücumu iki ölkə arasında təhlükəsizlik razılaşmasını pozmaq riski daşıyır” deyib.
Yanvarın 16-na keçən gecə İslam İnqilabı Keşikçiləri Korpusu (İİKK, İran Silahlı Qüvvələrinə daxildir) İsrailin Ərbildəki “casus mərkəzləri”nə, eləcə də İraq Kürdüstanında anti-İran terror qruplaşmalarının tərəfdarlarına hücum edib, IRNA xəbər verir. İslam Respublikası silahlı qüvvələrinin elit bölmələrinin bəyanatına əsasən, yanvarın 3-də İranın Kirman şəhərində törədilən terror aktına, həmçinin “sionist rejimin son vəhşiliklərinə cavab olaraq Ərbil yaxınlığındakı hədəflərə hücum edilib.Hücum İslam İnqilabı Keşikçiləri Korpusunun və müqavimət oxunun komandirlərinin şəhadətinə səbəb olub”. İraq hökuməti Ərbilin atəşə tutulmasını ölkənin suverenliyinin pozulması adlandırıb və BMT Təhlükəsizlik Şurasına şikayət etmək niyyətində olduğunu açıqlayıb. (Tass)