ABŞ və Qərb koalisiyasının Suriya ilə sərhəddə yerləşən Əl-Tanf şəhərindəki hərbi bazası (Dəməşqdən 250 km məsafədə) kamikadze pilotsuz təyyarələrlə hücuma məruz qalıb. Al Mayadeen telekanalının verdiyi məlumata görə , əvvəllər İslam Dövləti qruplaşmasının terrorçularına qarşı döyüşən şiə silahlı qruplarının daxil olduğu İraqın İslam Müqaviməti hərəkatı hücuma görə məsuliyyəti öz üzərinə götürüb.
Telekanalın sitat gətirdiyi bəyanatda şiə döyüşçüləri “bütün yer hədəflərini vurduqlarını” iddia edirlər.
Pilotsuz təyyarələr ABŞ hərbçilərinin nəzarətində olan yaxınlıqdakı Rukban qaçqın düşərgəsinə də hücum edib.
Sənəddə vurğulanır ki, “Amerika işğalçı qüvvələrinin Əl-Tənfdəki bazası və onların nəzarətində olan Əl-Rukban düşərgəsinə qarşı əməliyyat Qəzza zolağında Fələstin xalqına qarşı törədilən cinayətlərə cavab olaraq həyata keçirilib”. (Tass)