İsrail hakimiyyəti 20 girovun azad edilməsi müqabilində Qəzza zolağında atəşkəsin iki gün uzadılması ilə bağlı Fələstinin radikal HƏMAS hərəkatının cavabını gözləyir. Bu açıqlama ilə Əl Ərəbiyyə telekanalı çıxış edib.
Bundan əvvəl Qətərin baş naziri və xarici işlər naziri Məhəmməd bin Əbdül Rəhman Əl Tani “Financial Times” qəzetinə müsahibəsində bildirib ki, humanitar atəşkəsin uzadılması üçün HƏMAS digər qruplar tərəfindən saxlanılan daha 40-a yaxın girov, qadın və uşaq haqqında Təl-Əvivə məlumat verməlidir.O qeyd edib ki, Dohada neçə girov “tapa biləcəkləri” barədə dəqiq məlumat yoxdur.
Noyabrın 22-də HƏMAS Misir və Qətərin vasitəçiliyi ilə Qəzza zolağında dörd günlük humanitar atəşkəsə dair İsraillə razılığa gəldiyini açıqladı. Razılaşmalar İsrail həbsxanalarından 150 yeniyetmə (19 yaşdan aşağı) və qadınların azadlığa buraxılması müqabilində anklavda saxlanılan 50 uşaq, yeniyetmə (19 yaşından aşağı) və qadının azad edilməsini nəzərdə tutur. Atəşkəs noyabrın 24-də Moskva vaxtı ilə saat 08:00-da qüvvəyə minib.