İsrail Hərbi Hava Qüvvələrinin qırıcıları Livanın şimalında şiə milis Hizbullahın arxa bazalarına reydlər həyata keçirib. Al Mayadeen telekanalının məlumatına görə , zərbələr Hermel şəhəri yaxınlığında (Beyrutdan 140 km aralıda) onun birləşmələrinin hədəflərinə endirilib.
Qeyd olunur ki, bir neçə raket atılıb, xüsusən də təcili yardım və yanğınsöndürən maşınların getdiyi Əl-Kəvva və Xoş əs-Seyid ərazilərinə atılıb. Həmçinin ölkənin şərqində Hizbullahın əsas forpostunun yerləşdiyi Baalbek şəhərinin kənarında (paytaxtdan 90 km aralıda) hücumlar barədə məlumatlar var.
Günorta saatlarında Beyrutdan 60 km cənubda yerləşən Sarafənd şəhərinə hava hücumu həyata keçirilib.
“Al Mayadeen” qeyd edir ki, İsrail hərbi hava qüvvələrinin hücumları son günlər intensivləşib və sərhəddən 30 km aralıda yerləşən yəhudi dövlətinin ərazisindəki hədəfləri vuran “Hizbullah” əməliyyatına cavab olaraq Livanın yeni ərazilərini əhatə edib. (Tass)