İsrail Hərbi Hava Qüvvələrinə məxsus pilotsuz uçuş aparatı Livanın cənubunda şiə Hizbullah milislərinin maşınına zərbə endirib.
Al Jadeed telekanalının məlumatına görə , hücum Deyr Kifa kəndi yaxınlığındakı magistral yolda həyata keçirilib. Maşına 4 raket atılıb, şiə döyüşçülərindən biri ölüb, bəziləri isə yaralanıb.
Səhər saatlarında Livan-İsrail sərhədi ərazisində nisbi sakitlik hökm sürür.
İyunun 17-də Tire yaxınlığında Hizbullah döyüşçülərinə məxsus yük maşını atəşə tutulub və nəticədə şiə qüvvələrinin səhra komandiri Məhəmməd Əhməd Əyyub həlak olub. (Tass)