İsrail Hərbi Hava Qüvvələrinin Livanın cənub və şərqindəki məskunlaşma məntəqələrinə endirdiyi zərbələr nəticəsində ölənlərin sayı 274-dən 325-ə yüksəlib, 1,2 min nəfər yaralanıb. Bu barədə ölkənin Səhiyyə Nazirliyinə istinadən “Al Mayadeen” telekanalı məlumat yayıb.
Daha əvvəl səhiyyə naziri vəzifəsini icra edən Firas Abyad hava zərbələri nəticəsində 21 uşaq və 39 qadının həlak olduğunu bildirib. Bir neçə təcili yardım işçisi də avtomobillərinin hava zərbələrinə məruz qalması nəticəsində həlak olub.
Səhiyyə Nazirliyi rəhbərinin sözlərinə görə, livanlılar 1975-1990-cı illərdə vətəndaş müharibəsi başa çatdıqdan sonra ilk dəfədir ki, belə itkilərə məruz qalırlar. (Tass)