Livandan raket hücumu zamanı İsrailin şimalındakı Akko şəhəri yaxınlığında avtomobil yolunda qəlpələrin avtomobilə düşməsi nəticəsində bir nəfər ölüb, bir nəfər isə ağır yaralanıb.
Bu barədə Ynet portalı məlumat yayıb.
Bundan əvvəl İsrail ordusunun mətbuat xidməti məlumat vermişdi ki, bir saat ərzində Livandan İsrailin şimalına ən azı 60, bir saat əvvəl isə 55 raket atılıb. Onların bəziləri hava hücumundan müdafiə sistemi tərəfindən tutuldu, lakin mərmilərin düşdüyü qeyd edildi, hərbçilər qeyd edib. (Tass)
