Fələstinin HƏMAS hərəkatı təşkilatın rəhbərliyinin üzvü Saleh əl-Arurinin İsrailin pilotsuz təyyarəsinin Beyrutun şiə ətrafı Dahiya bölgəsinə hücumu nəticəsində öldüyünü rəsmən təsdiqləyib. Hərəkatın Telegram kanalında yayımlanan bəyanatda Əl-Aruri ilə birlikdə HƏMAS-ın hərbi qanadı İzzəddin əl-Qəssam Briqadalarının iki komandirinin öldürüldüyü, onların adlarının açıqlanmadığı bildirilib.
Mətndə deyilir: “İşğal rejimi [İsrail] tərəfindən Fələstinin daxilində və xaricində xalqımızın liderlərinin qorxaqcasına qətli onun rəşadətli müqavimət döyüşçülərinin iradəsini və möhkəmliyini qıra bilməyəcək.
Bəyanatda vurğulanır ki, “İsrail düşməni Qəzza zolağında öz təcavüzkar məqsədlərinə nail ola bilməyəcək”.
Bundan əvvəl İsrail pilotsuz təyyarələri HƏMAS-ın Beyrutun cənubunda yerləşən qərargahına raket zərbələri endirib. Nəticədə binanın iki mərtəbəsi dağılıb. Obyektdə baş verən yanğın söndürülüb. (Tass)
